D’Inhinyero

”Fargespill” or ”Color play” ito ay isang pang pamilyang musical performance sa Bergen.  Binubuo ito ng mga kabataan na galing sa iba’t ibang bansa. Masuwerteng napili ang panganay kong anak upang makasali sa mga ganitong uri ng performances. Wala naman formal na audition para makasali dito, na discover lamang sya ng pakantahin silang lahat sa school…at ayun nagustuhan ng isang teacher si Gia at…presto pasok sa Fargespill! Hindi naman tumanggi ang anak ko  dahil, pangarap pa nga nito ang makasama sa Highschool musical. Nitong nakaraan na November 13, 14, at 16th nag present na sila ng kanilang play, siyempre pa libre ang ticket ng mga magulang. Halos mga 60 na kabataan din ang kasali may Vietnamese, Polish, Somalian, Thailander, Indian, Russian at iba pa. Nagpakita sila ng kanta at sayaw ng iba’t ibang bansa at mga folk music na galing sa Norway. Masaya…dahil may slow, rock, rap at reggae music.

Ang Fargespill ay naitatag noong 2007, as a 4 year project ng Bergen.  Madami na din silang nasalihan na concert tulad ng pag perform na kasama ang Bergen Philharmonic Orchestra, concert ng Brass brothers at south African dancers. Nag perform na din sila sa Royal family…sayang at hindi pa kasama si Gia noon. Ako kaya pwede pa sa mga musical play? Hehehehe

“The sonatas of Mozart are unique; they are too easy for children, and too difficult for adults.” - Artur Schnabel

Tags: Norway // Add Comment »

Beep….Beep….Beep…Beep ang akala ko ang matinis na beep na nadidinig ko ay galing lamang sa pinapanood ko dahil nasa tiyempo din ng tugtog yung beep sound. Pero napansin namin na tila iba ang beep sound at kapansin pansin na ito, itinigil ko muna ang aking pinapanood at duon ko nalaman na hindi nga sa pinapanood ko nagmumula ang beep sound. Dahil katunog ng aming doorbell ang beep sound baka naman kako nag malfunction lamang ang doorbell pero, ng tignan ko ito…hindi sa aming doorbell galing ang tunog. Sinundan ko ang tunog at duon ko nalaman na galing sa aming bedroom ang beep sound. Kaagad naman pumasok sa isip ko ang fire alarm sa bedroom at ng buksan ko ang pinto ay duon nga sa smoke detector galing ang tunog. Yun lang ang pinagtataka ko ay bakit nag alarm ang detector namin, wala naman akong makitang usok o apoy? Wala din naman nagluluto sa labas para may pumasok na usok sa bedroom. Sumilip kami sa labas at duon namin nalaman na ang fire alarm ay sa buong building pala. Sakto naman na lumabas ang aming kapitbahay at sinabihan kami na lumabas ng building. Dali-dali naman kami nagsapatos at nag jacket upang lumabas ng building. Sa aming paglabas napansin ko na may intermitente na fire bell na tumutunog at yung buong building ay tila may malakas na hangin na dumadaloy. Pagdating sa ground floor naduon na ang iba pa namin kapitbahay, at tila nagmamasid din sa nangyayari. Sa ground floor may makikita kang isang computerized na fire alarm equipment, at duon mo makikita kung saan ng gagaling ang alarm. Nakalagay sa equipment na ang alarm ay galing sa 2^nd floor at 1^st bedroom, pinuntahan naman ito ng iba naming kapitbahay at maya-maya lamang ay sinabi nila na isa itong false alarm dahil ang nag trigger lamang sa detector ay isang mainit na…..Pizza!!! Malamang umuusok pa at duon kumain sa bedroom kaya ayun nag alarm.

Nagsimula ng bumalik sa kanya-kanyang bahay at duon ko lamang napansin na tila kami lamang ang nakapang bahay na damit. Oo, naka shoes at jacket kami pero pambahay pa din ang aming suot hindi tulad ng iba na tila naka pang porma pa hehehe. Duon kami nagtawanan ni misis dahil sino ba naman ang magiisip pa na pumorma kung may fire alarm na sa building? Sabagay wala naman dapat ika-takot dahil safe naman sa building…kaya may panahon pa para pumorma. Duon ko din nalaman na maganda pala ang fire alarm ng buong building dahil bukod sa centralized ang pag alarm nito, may mga fire hose pa ang bawat bahay. Sa paglabas mo may emergency air circulation na kung sakaling magkakaroon ng usok ay agad nitong mahahawi palabas ng building. May emergency lights at ang main door ay hindi mo kayang isara habang nag aalarm. Para na din kaming nagkaroon ng fire drill sa nangyari…ok na din kasi nalaman ng mga anak ko kung ano ang tunog ng fire alarm at kung ano ang gagawin nila incase na may sunog.

“Firefighting - one of the few professions left that still makes house calls.”

Tags: General // 1 Comment »